Pinasingkedan ti Department of Agriculture a mairaman dagiti mangngalap iti listaan dagiti benepisyaryo iti P20 kada kilo ti bagas.
Segun iti DA, mangrugi inton Agosto 29 ket mairamanen dagiti mangngalap iti dumakdakkel a listaan dagiti benepisyaryo iti ‘Benteng Bigas, Meron Na!.
Inladawan ni Agriculture Secretary Francisco Tiu Laurel Jr ti P20 rice initiative kas dakkel a karit para iti DA kadagiti sumarsaruno pay a tawen ta kasapulan ti sibubukel a suporta manipud iti intero nga ahensia.
Idi damo, limitado laeng kadagiti senior citizen, persons with disabilities, solo parent ken indigents ti rice program agingga a nairaman dagiti minimum wage earner, benepisyaryo ti Walang Gutom program ti Department of Social Welfare and Development, ken dagiti farm worker a nailista iti Registry System for Basic Sectors in Agriculture
