--Ads--
VIGAN CITY – Natayen idi naisangpet iti pagagasan ti maysa a mangngalap iti ili ti Sta. Maria gapu ti pannakalmesna iti Nalvo beach.
Ti biktime ket ni Leonardino Divina, agtawen iti limapulo ket maysa, mangngalap a taga-Nalvo, Sta. Maria.
Nasarakan ti biktima a tumtumpaw sangapulo ket lima a metro iti kaadayona iti igid ti baybay isu a nagpatulongda iti Philippine Coastguard iti nasao a lugar ngem saanen a naisalakan ti biagna.
Segun ti pamilia ti biktima, alas dos y media iti malem ti April 16 a napan iti baybay ti biktima tapno agala iti Balbalulang ken mapapati a nabartek sakbay a napan.
-- ADVERTISEMENT --