VIGAN CITY – Agladladingit dagiti mangngalap idiay Sitio Ermita, Brgy. San Sebastian, San Vicente ta dakkel manen a pukawda iti pannakatay dagiti malaga iti pupukanda.
Iti pannaki-uman ti Bombo Radyo Vigan ken ni Barangay Captai Damaso Tolentino, biglaan ket saanda a maibaga ti rason ti pannakatay dagiti ikan ta nasayaat met ti danum nga ayanda.
Innayonna a kadagitoy koma a bulan ket nasyaat koma ti panagkalapdan ta agingga semana ket makalapda pay laeng dagiti tarakenda nga ikan.
Idi napan a tawen ket adda manen ti napasamak a fish kill ngem kontroladoda met ngem ita a panawen ket adda a pudno dagiti totally damaged ken mabilbilang laeng dagiti sibibiag nga ikan.
Dagiti natay nga ikan ket mailakodada iti gatad a PHP200-300 idinto a PHP500 met dagiti sibibiag.
