--Ads--
VIGAN CITY – Maysa a lalaki ti narescue iti kabaybayan a paset iti Brgy. Apatot, San Esteban.
Nabigbig ti lalaki a ni Rommy Neiva Dulay, agtawen ti limapulo ket tallo, naasawaan, mangngalap nga agnaed idiay Balingsay, Bolinao, Pangasinan.
Mapan koma agkalap dagiti agama a da Jimmy ken ni Joshua Baldeviso idin nakitada ni Dulay a nakakapet it Styrofoam a tumtumpaw iti nasao a kabaybayan nga umabot ti duapulo ket siam a milya iti kaadayona iti bangkag iti nasao nga ili.
Naamwan nga August 5 pay laeng idi mapukpukaw ni Dulay ta saanen a nakasubli pay iti pagtaenganda kalpasan iti panagturongna a nagkalap.
-- ADVERTISEMENT --
Naipan ni Dulay iti Ilocos Sur District Hospital Narvacan para iti naan-anay a pannakatamingna.
