Vigan City – Pinasingkedan ni City Health Officer Dra. Loida Afroilan Ranches a saan nga agpayso iti agwarwaras ti social media a nagpositibo ti mangmangged iti siudad ti Vigan iti rapid testna iti covid-19 nga agnaed idiay Banna, Ilocos Norte.
Segun kenni Dr. Ranches, nakipagkinnamayet ni Pol. Lt. Col. Fidel Junio, hepe ti Vigan City Police Station, ti hepe a makinsakop iti nasao a lugar ket na ammuan a saan a pudno a mangmangged ditoy siudad ti APOR a nagpositibo ti rapid test iti nasao a probinsya.
Innayon ti doktora a natalgeden iti kasasaad ti maykatlo a covid19 patient ti probinsya maikontra iti sabali pay a fake news nga agwarwaras a damag a saan a napintas iti kasasaad na.
Kiniddaw na kadagiti tattao a saan nga insigida a mamati kadagiti mabasbasa iti social media kangrunaan no awan iti kinapagpayso-na ken statement manipod kadagiti maseknan nga ahensya.
