--Ads--
Makaawat dagiti mangisursuro kadagiti public schools iti P7,000 nga annual medical allowance mangrugi inton 2025, segun iti Department of Education (DepEd).
Nangatngato daytoy ngem ti P500 a medical examination allowance dagiti mannursuro idi tawen 2020.
Kasaruno daytoy iti Executive Order a pinirmaan ni Pres. Bongbong Marcos a mangipaay iti tinawen a medical allowance kadagiti kualipikado a kameng ti gobierno a pakairamanan dagiti mangisursuro iti public school.
Malaksid dayta, makaawat pay dagiti mangisursuro iti P5,000 a tax-free teaching allowance para iti school year 2024-2025 ken babaen ti Teaching Support Act (Republic Act 11997) ket manayonan iti P10,000 mangrugi iti SY 2025-2026 ken sumarsaruno pay a tawen.
-- ADVERTISEMENT --
