Maysa a mangisursuro nga agtawen iti duapulo ket walo manipud Florida ti natay ta naatake gapu iti nalabes a panaginomna iti energy drinks ken caffeine supplements.
Nabigbig daytoy a ni Katie Donnell, inaldaw nga agsanay iti gym nga adda caffeine supplements ken tallo nga energy drinks nga adda pay kaduana a kape.
Manmano laeng a makita nga awan ti iggemna nga energy drink ket iti maysa nga aldaw, bigla a natalimudaw impagarup dagiti gagayyem nga stroke ngem heart attack gayam.
Gapu ta awan naiyarayat a dagdagus nga oxygen, nadadael ti utekna (brain damage), a puon ti nakatayanna.
Ibalballaag dagiti eksperto a ti caffeine ket mabalin a mangpangato iti presyon ti dara ken mangitunda iti abnormal a pitik ti puso.
Nupay natalged ti agingga 400 milligrams ti caffeine iti inaldaw, napeggad iti salun-at no masobraan.
Pagsasao nga amin a sobra ket dakes.
