Nasanay nga aguli ti niyog isu a nalaka laengen para ken ni Carol Baro Figuro, mangisursuro a nagwaras ti video-na nga immuli iti flag pole a nangipan ti tali para ti Philippine flag iti Savidug Elementary School idiay Sabtang, Batanes idi Mierkules, July 31, 2024.
Iti pannaki-uman ti Bombo Radyo Vigan ken ni Figuro, Grade 3 pay laeng idi ket agul-ulin iti kaykayo isu a saan a nakakigkigtot ti panagulina ti flag pole sakbay ti flag raising ceremony-da.
Segun kenkuana, maikaduan a gundawayna nga immuli iti flag pole ngem umuna a gundaway a naimatangan ti kabarbaro a principal-da nga isu ti nang-upload ti videona.
Overwhelmed ti maestra ta nagado ti nangdayaw ken nagbilib kenkuana iti inaramidna para iti pagadalanda.
Nagyaman pay kadagiti amin a nangted ti napintas a mensahe kenkuana nangruna ti principal-da a nangted ti gundaway tapno maipakita ti kinatibkerna.
VIDEO – TEACHER CAROL BARO FIGURO
