Nakemmeg ti maysa a lalaki gapu iti panagprobokarna kadagiti pulis Barangay San Basilio, Magsingal, Ilocos Sur.
Nabigbig ti suspek nga agtawen iti limapulo ket uppat, mangisursuro, taga-San Basilio, Magsingal.
Dagiti met biktima ket da Patrolman Jaypee De Jesus, agtawen iti duapulo ket pito, taga-Refaro, San Juan; Patrolman Jaylord Fagela, agtawen iti duapulo ket walo, taga-Paras, Sto. Domingo; ken ni Patrolman Dominic Rabor, agtawen iti tallopulo ket dua, taga-Namruangan, Cabugao, agpapada a PNP members ti Magsingal Municipal Police Station.
Agpatpatrolya dagiti pulis idin ta adda grupo tattao nga agipukpukkaw nga adda agaapa.
Nagresponde dagiti pulis ket inasikganna ti suspek iti nasayaat a wagas, ngem nagisawang iti dinadakes a balikas ti suspek kadakuada a nakaiggem iti kutsilyo ngem inagaw daytoy ni Pat. De Jesus idinto a nagtultuloy met ti panagprobokar ti suspek.
Malaksid dayta, induron pay ti suspek ni Pat. De Jesus ken kinaritna ng agdinnanogda, isu a kinemmegda.
