VIGAN CITY– Saan a panagkinnawatan gapu iti nakaro a pannakabartek ti nakaigappuan iti panangbagsol iti maysa a lalaki iti pada na a manggalap idiay Barangay Apatot, San Esteban, Ilocos Sur.
Nabigbig ti biktima a ni Ariel Mercado, 44, idinto a ti suspek ket ni Juancho Luzon, 34 ken agpada a taga Apatot, San Esteban.
Segun kenni P/Chief Insp. Agosto Cabello Jr., hepe ti San Estaban Municipal Police station, nagmalmalem a naginom dagiti dwa agingga nga adda iti saan da a nagkinnaawatan isu a pinangtaan ti suspek iti biktima a bagsolen na ti luppo na no saan nga agtalna.
Inkarkaro ngarud ti biktima agingga a nakapongtot ket inyus-usto na ti pangta na a bagsolen ti luppo ti biktima.
Naitaray iti Ilocos Sur District Hospital (ISDH) ti biktima nga ita ket natalgeden iti kasaad na idinto a ti suspek ket adda iti kustodiya dagiti otoridad.
