Inwaragawagen ti Malakanyang dagiti dua a miembro ti Independent Commission for Infrastructure (ICI).
Ti nasao a komision ti agimbestigar iti flood control ken dadduma pay nga infrastructure projects iti uneg ti sangapulo a tawen sipud naipatungpal ti Executive Order No. 94.
Segun ken ni Palace Press Officer Claire Castro, dagiti agbalin a commissioner ket da dati a Department of Public Works and Highways Sec. Engr. Rogelio Singson, Rossana Fajardo nga executive iti SGV & Co.
Nadutokan met ni Baguio City Mayor Benjamin Magalong nga agbalin nga special adviser ken investigator iti ICI.
Immunan a pinasingkedan ni Pres. Ferdinand Marcos Jr. nga awan ti politiko nga agbalin a kameng ti ICI.
Innayon ni Castro nga inaganan ni Marcos iti chairpersoin iti komisyon kadagiti sumarsaruno nga aldaw.
