--Ads--
Saan pay laeng nga ibilin ni Presidente Ferdinand Marcos Jr ti mandatory repatriation para kadagiti Pilipino idiay Israel ken Iran, iti baet ti agtultuloy a tensyon dagiti dua a pagilian idiay Middle East.
Segun ken ni Presidente Marcos, ipaimadan kadagiti Pilipino ti panagdesisyon no agawidda ditoy pagilian.
Nakapatangen ti presidente dagiti Pilipino iti lugar ket adda sumagmamano kadakuada a kayatna pay laeng ti agtalinaed, idinto nga adda met dagiti kayatdan ti agawid.
Nakasagana ti gobierno a tumulong nangruna ta agtultuloy a bambantayanda ti sitwasyon iti rehion.
-- ADVERTISEMENT --
Ngem aminado ti presidente, nga agbalin a karit kadakuada ita ti panagsapul iti sabali a ruta iti pagilian ta adu nga airport ti nakarikep pay laeng gapu it agtultuloy a tensyon.
