Impatungpal ti gobierno to probinsia ti Catanduanes ti mandatory evacuation kadagiti lugar a maibilang nga high risk kalpasan a nangitunda ti napigsa a panag-tudo ti shear line a nagresulta ti layus ken landslide iti sumagmamano nga ili ti probinsia.
Segun ken ni Governor Patrick Alain Azanza, nabilin amin a mayor ken chairperson ti Municipal Disaster Risk Reduction and Management Council (MDRRMC) a dagus a mangipatungpal ti panagbakwit kangrunaan kadagiti landslide prone area, lugar nga adda iti igid karayan ken baybay a pakairamanan ti ili ti San Miguel, Viga, Bato, ken Bagamanoc.
Kabayatanna, kinumpirma dagiti pannakabagi ti linteg ti pannakatay ti maysa a lalaki nga agtawen ti tallopulo ket dua kalpasan nga inyanod iti nakaro a layus idiay Barangay Bigaa, Virac.
Segun ti Virac Municipal Police Station, agawid ti biktima iti pagtaengan da a nakalugan ti motorsiklo idi pinadas na a ballasiwen ti nangato a danum ti kalsada iti asideg ti maysa a diversion road.
