VIGAN CITY – Inpakaammo ti gobierno ti Malawi a mapadayawanto iti state funeralna ni Vice President Saulos Chilima kalpasan a nakumpirmaren a natay gapo ti plane crash karaman dagiti walo pay a kakadwana.
Segun kenni President Lazarus Chakwera, duapulo ket maysa nga aldaw ti panagladingit ti pagilianda ket nakahalf mast dagiti bandera agingga iti Southern Africa bayat ti panawen ti panagladingitda .
Nabigbig dagiti nakalugan iti eroplano nga isuda former first lady Shanil Dzimbiri – isu ti dati nga asawa ni former Malawian President Bakili Muluzi, tallo a military crew ken innem pay a pasahero
Segun kadagiti otoridad, awan ti nakalasat kalpasan a nagsuek ti twin propeller aircraft iti kabanbantayan nga abagatan a paset ti Mzuzu.
Napasamak ti insidente kalpasan nga agturong kuma ti aircraft iti amianan a paset ti Mzuzu tapno umatendar ti punpon ti dati a government minister idi nagpukaw ti aircraft
