Anamungan ti Malakanyang ti pangngeddeng ti Department of the Interior and Local Government (DILG) na saan pay laeng nga ipa-deport ti Russian-American vlogger a ni Vitaly Zdorovetskiy tapno madusa iti nagbasolanna.
Segun ken ni Palace Press Officer Claire Castro, rumbeng laeng a madusa dagiti gangannaet a nanginsulto kadagiti Pilipino.
Ti pangngeddeng ti ahensya ket pammaneknek a seryoso iti gobierno a dusaen dagiti gangannaet a saan a mangbigbigbig ti linteg iti pagilian.
Immunan a kinuna ti Malakanyang a saan a palubosan ni President Ferdinand Marcos Jr. a bastosen dagiti gangannaet dagiti Pilipino iti bukod a pagilian.
Ni Vitaly ket sumangsango iti kaso nga unjust vexation, alarm and scandal, ken panagpanggep nga agtakaw ken panang-harass kadagiti Pilipino para iti social media content.
Kinuna met ti DILG nga agtalinaed pay laeng iti pagbaludan iti Bureau of Immigration ti Russian-American vlogger bayat a madengdenggeg iti kasona a kriminal.
VIDEO – PALACE PRESS OFFICER CLAIRE CASTRO
