--Ads--
Napaneknekan ti Korte Suprema a husto laeng ti inaramid nga addang ni Presidente Ferdinand Marcos Jr a mangbukel iti Independent Commission for Infrastructure tapno imbestigaran dagiti agtaktakaw iti pondo ti gobierno.
Dayta ti pinasingkedan ni Palace Press Officer Atty. Claire Castro kalpasan nga imbasura ti Korte Suprema ti petision a mangkarkarit iti legalidad ti ICI.
Segun ken ni Castro, naipakita ti presidente kadagiti umili a napintas ti kalikagumna a nangibilin iti pannakaimbestigar dagiti maanomalya a flood control projects.
Innayonna a responsibilidad ti administrasion a dalusan ti gobierno kontra kadagiti mangab-abuso iti podno ti pagilian isu a naidatag ti ICI babaen iti Executive Order No 94.
-- ADVERTISEMENT --
