Saanen a baro ti pammabasul ni dati a Presidential Spokesman Harry Roque iti mapapati a “polvoron video” ni Presidente Ferdinand Marcos Jr.
Segun ken ni Presidential Communications Office Usec ken Palace Press Officer Claire Castro, saanen a baro daytoy iti imatang dagiti umili no asino a pudno tin akin-utek iti pannakaiwaras ti fake polvoron video.
Ti nasao a video ket madakdakamat nga agar-aramat ni President Marcos iti maiparit nga agas.
Maim-imbestigaran ita ti polvoron video babaen iti panagtinnulong ti Philippine National Police ken Bureau of Investigation.
Adda payen fact check ken maisaysayangkaten ti baro nga imbestigasyon no pudno daytoy wenno saan ngem napaneknekanen a manipulated ti video ken adda face swap-na maibasar iti evaluation ti India-based Misinformation Combat Alliance.
