Natalek ti Malakanyang a maaddaan ti positibo a resulta ti agtultuloy a negosasyon iti nagbaetan ti Pilipinas ken Amerika mainaig iti nagbalin a pangngeddeng ni US President Donald Trump a temporaryo nga isardeng ti 17-percent reciprocal tariff iti Philippine exports.
Segun ken ni Palace Press Officer Claire Castro, mangnamnama iti gobierno iti Pilipinas a maaddaan ti napintas a resulta iti panagpatang iti para ti pagilian ken ekonomia.
Dayta ket gapu ta nagtulag dagiti dua a pagilian a maaddaanm ti kooperasyon para ti economic development iti Pilipinas.
Kabayatanna, kinuna ni US Ambassador to the Philippines MaryKay Carlson nga agtrabtrabaho iti doble nga oras ti dua a pagilian tapno isapinal ti maysa a trade agreement idinto a simsimpaen ti Manila ti reciprocal tariffs nga impataw ni US President Donald Trump.
Immunan nga impakaammo ni Trump iti pannakadelay ti sweeping tariffs-na iti siam a pulo nga aldaw.
Inikkan ni Trump iti amin a pagilian ti 10 percent baseline malaksid iti China ta pinatawanna iti dakdakkel a singir iti buwis.
