Nainget a pinaglibakan iti Malakanyang ti alegasyon nga adda impluwensya ni Pres. Ferdinand Marcos Jr. iti imbestigasyon ti National Bureau of Investigation (NBI) maipanggep ti mapapati a pangta ni Vice President Sara Duterte iti biag ti presidente.
Segun ken ni Palace Press Officer Usec. Claire Castro, nabayagen nga adda iti salinong ti Department of Justice (DOJ) ti NBI ken paset ti ehekutibo ti DOJ isu a saan a rumbeng a kwestyunaran ti istrukturana.
Kinunana nga adda bukod a mandato ti NBI a mangisayangkat iti imbestigasyon iti aniaman a pangta iti presidente.
Pinasingkedan ni Castro a seryoso a tinignayan ti presidente iti sarita ni VP Sara ket saanna a binaybay-an iti dayta.
Kinunana anapateg a maimbestigaran iti nasao a patangan tapno masigurado ti seguridad ti presidente, first lady ken dati a House Speaker ken iti pagsayaatan iti pagilian.
