Pinaglibakan ti Malakanyang ti akusasion dagiti sumagmamano a kongresista nga adda ammo ni Presidente Ferdinand Marcos Jr. iti naawat a kickback dagiti sumagmamano a nangangato nga opisial manipud iti flood control projects.
Segun ken ni Palace Press Officer Usec. Claire Castro, a naaramiden ti Kamara ti mandato da nga imbestigaran ti pannakairaman ti presidente iti flood control project a dimmalan iti proseso ken naammuan nga awan ti basaran ti akusasion.
Pinasingkedan ni Castro a saan a nasken a maaramat nga armas ti aniaman a panangdadael nga awan ti natibker a basaran tapno laeng dadaelen ti talek ti publiko iti gobierno.
Inlawlawag ti Malakanyang nga umuna a kayat ti presidente ket tutukan na iti panagbangon ken panagdur-as ti ekonomiya ti pagilian.
