Patien ti Malakanyang nga awan ti rumbeng a pakadanagan ti salun-at ni dati a Presidente Rodrigo Duterte iti baet ti pakaammo iti pamiliana a kimuttong bayat nga adda idiay The Hague.
Segun ken ni Palace Press Officer Atty. Claire Castro, maibasar ti sarita ti dati nga asawa ni Duterte a ni Elizabeth Zimmerman, numan pay kimmuttong ket kasla nasayaat met iti kasasaadna nangruna ta mismo a ti dati a presidente iti nangibaga a nasayaat iti kasasaadna ken saan nga umin-inom iti maintenance medicine na.
Kasta pay iti kinuna ni Vice President Sara Duterte ta kinunana a nasayaat ti kasasaad ti amana.
Siguradoen ti Malakanyang a maipapaayan ti medical attention ni Duterte bayat nga adda idiay The Hague ken saan a mabaybayan bayat a sumangsango iti kasona iti International Criminal Court.
