Nakatutok iti Pilipinas kadagiti kabaroan a pasamak iti pulitika idiay Myanmar kangrunaan iti pannakapili ni Min Aung Hlaing kas presidente kas pinasingkedan ni Palace Press Officer USec. Claire Castro.
Segun ken ni Castro, agtultuloy a makikammayet iti Pilipinas kadagiti concerned authorities ken dadduma pay nga stakeholder idiay Myanmar babaen ken ni Ma. Theresa Lazaro nga agserserbi nga Special Envoy iti ASEAN Chair para idiay Myanmar ken babaen kadagiti embahada iti pagilian.
Impaganetget ti Pilipinas ti agtultuloy a suportarda iti agtitipon nga addanga iti ASEAN tapno masolbar iti sitwasyon idiay Myanmar.
Impaganetget iti pagilian a makikaysa kadagiti inisyatiba iti rehiyon tapno maiduron ti kappia, kinatibker ken pagsayaatan dagiti umili iti Myanmar.
