Nagyaman ti Malakanyang iti Philippine Inter-Agency Humanitarian Contigent iti pannakakompletoda iti misyonda, dua a lawas ti napalabas kalpasan tipannakaideployda idiay Myanmar tapno ipaayan iti tulong dagiti biktima.
Segun ken ni Palace Press Officer Usec Atty. Claire Castro, dayawenna ti 89-man team a nakasubli iti pagilian manipud Myanmar kalpasan ti gingined idi napan a bulan.
Ti Philippine Inter-Agency Humanitarian Contigent ket pakairamanan dagiti miembro manipud iti Office of Civil Defense (OCD), Philippine Air Force, Philippine Army, Department of Health – Philippine Emergency Medical Assistance Team (PEMAT), Metropolitan Manila Development Authority, Bureau of Fire Protection, Department of Environment and Natural Resources Emergency Response Team, Energy Development Corporation, ken Apex Mining Co., Inc.
Ti umuna a batch ti contingent ket pimmanaw idi Abril uno idinto a simmaruno met laeng ti maikadua a batch iti kabigatanna.
Nabilinda a mangipaay iti disaster response ken humanitarian assistance idiay Myanmar a nagingined idi Marso 28.
