Nagkiddaw ti Malacañang ti naan-anay a panagsukimat iti pammabasul ni dati a Senador Antonio Trillanes IV kontra ken ni Vice President Sara Duterte ken ti asawana a ni Atty. Mans Carpio maipanggep iti mapapati a koneksion ti kompaniada iti China.
Segun iti Malakanyang, saan a rumbeng nga yaleng-aleng ti pammabasul nga adda pakainaiganna iti Chinese Government ti kompania a konektado ken ni Carpio.
Pinasingkedan ni Palace Press Officer Claire Castro, nasurok P319-M ti mapapati a financial inflows ti naggapu iti Chinese government ken China-based corporations a naited iti Calle88 foods corporation, basar iti statement ni Trillanes.
Nupay kasta, inlawlawag ti Malacañang nga awan pay ti pangngeddengda ken masapul nga usigen pay nga umuna dagiti pammabasul ken maidatag ti ebidensia.
