Pakaragsakan ti Malakayanyang iti pannakairaman ti West Philippine Sea iti Google Maps.
Segun ken ni Presidential Communications Undersecretary ken Palace Press Officer Claire Castro, pakaragsakanda a mabigbig iti West Philippine Sea iti Google Maps uray adda dagiti mangibagbaga nga ar-aramid laeng.
Kinuna ti National Maritime Council, ti nasao nga insiyatibo ket repleksyon iti panangawat iti kaadoan a ti WPS ket paset iti soberanya ken hurisdiksyon iti Pilipinas.
Mayataday pay dayta iti 1982 United Conventions on the Law of the Sea ken 2016 Arbitral Award a napatibker iti Republic Act 12064 wenno Philippine Maritime Zones Act.
Inlawlawag ti NMC a ti panagaramat ti West Philippine Sea iti maysa a global platform kas iti Google Maps ket makatulong a lumawa iti ammo iti intero a lubong iti maritime entitlement iti Pilipinas.
Pinasingkedan ni Castro nga impaganetget iti NMC iti commitment-da a salakniban iti maritime rights iti Pilipinas kas maibasar iti international ken domestic law.
