Indatag ni Palace Press Undersecretary Claire Castro ti parikut dagiti umili iti layus kabayatan ti high tides ken kabayatan ti napigsa nga angin wenno bagyo iti press conference.
Segun ken ni Castro, ti pannakadadael ken pannakapukan dagiti mangrove wenno bakawan ti mangpakaro iti layus ken erosion iti igid ti baybay, idinto a bumassit met ti makalap dagiti mangngalap.
Kinunana a ti Department of Environment and Natural Resources (DENR), nga idadauluan ni Secretary Miguel Cuna, ket makitinnulong kadagiti lokal a gobierno ken umili tapno mapreserba ken mapaadu manen dagiti mangrove.
Impaganetget ni Castro a dagiti mangrove ket agserbi a natural a kalasag kontra kadagiti napigsa a dalluyon, angina, bagyo ken layus.
Innayonna pay a ti programa ket kas panangsurot iti pammati ni Presidente Ferdinand Marcos Jr. nga awan ti imposible iti panagtitinnulong ti gobierno nasional ken lokal ken dagiti umili.
