--Ads--
Patien ti Malakanyang a naplano ti riribuk ken kinaranggas nga inaramid ti grupo a napan idiay Mendiola, Manila tapno pagikkaten iti puesto ni Presidente Ferdinand Marcos Jr.
Dayta ket kalpasan nga adda dagiti naala a bato ken Molotov bombs kadagiti backpack ken alikamen dagiti grupo a nakamangisit a nangraut kadagiti pulis a naideploy idiay Mendiola.
Segun ken ni Palace Press Officer Claire Castro, addan pamalpalatpatan ti Malakanyang no asino ti adda iti likudan ti grupo nga isu ti im-imbestigaran dagiti pannakabagi ti linteg.
Maipaiman iti Philippine National Police ti imbestigasion tapno maammuan no asino ti akin-utek ti pasamak.
-- ADVERTISEMENT --
