Binanatan ti Malakanyang ti abogado ni Presidente Rodrigo Duterte a ni Atty. Nicholas Kaufman a mapapati a mangpulpulitika imbes nga isalakan ti kliyentena.
Sungbat dayta ni Palace Press Officer Atty. Claire Castro iti panangibaga ni Kaufman a traydor ti gobierno iti dati a Presidente gapu ta insukoda iti International Criminal Court ken naipadaman nga idepensa ti patawid ni Duterte a linteg ti pagilian.
Segun ken ni Castro, kasla sagsaganaan ni Kaufman ti 2028 elections imbes nga ipangruna no kasano nga ikalintegan ti dati a Presidente iti sangsangwenna a kaso a crimes against humanity gapu iti war on drugs ti administrasionna.
Innayon ni Castro a no maysa tawenen ti dati a Presidente iti ICC, maysa tawen metten a makitkita ti lawag iti kalikagum a hustisia dagiti biktima ti extrajudicial killings.
