--Ads--
Inyunay-unay ti Malakanyang a nasken nga ipangruna dagiti public official, nangruna dagiti agpampanday-linteg ti pagrebbenganda tapno maital-o ti panagdur-as ti pagilian.
Segun ken ni Palace Press Officer Claire Castro, nakadepende ti panagdur-as ti Pilipinas iti agkaykaysa a tignay ti amin.
Innayonna a dagiti opisial a masansan a ti panagbakasion ti ipangpangrunada ket saanda a maawatan ti parikut a sangsangwen ti pagilian.
Daytoy a sarita ti Malakanyang ket kasaruno ti napabaro a travel request ni Davao City Rep. Paolo Duterte iti Netherlands, ken Australia manipud iti immuna a 17 travel destination.
-- ADVERTISEMENT --
