--Ads--
Ipaspasimudaag ti Malakanyang a sabali a posisyon ti maidiaya iti dati a Philippine National Police Chief Gen. Nicolas Torre III ken saan a puesto iti National Bureau of Investigation a panawan ni Director Jaime Santiago.
Kasaruno dayta ti panangpasingked ni Torre a saan isuna a kwalipikado nga agbalin nga NBI Director.
Segun ken ni Palace Press Officer Atty. Claire Castro, posible a sabali a posisyon ti maidiaya ken ni Torre isu nga urayenna laengen no ania ti iwaragawag ti Malakanyang.
Immuna a kinumpirmaran ni Castro a naidiayaan ni Torre iti baro a puesto iti gobierno a kunana ket nadagdagsen pay ngem iti responsibilidad nga iniggananna iti PNP.
-- ADVERTISEMENT --
