Impakaammo ti Malakanyang ti suspension iti trabaho babaen ti Executive Branch manipod ala una iti malem inton September 22, 2025 a mangipalubos kadagiti mangmangged nga ipaay iti oras iti pamiliada ken selebraran ti “Kainang Pamilya Mahalaga Day”.
Pinirmaan ni Executive Secretary Lucas Bersamin ti Memorandum Circular No. 96 idi September 19, 2025 a nakailanadan iti suspension.
Nupay kasta, dagiti ahensya a ti function-na ket mainaig iti panag-deliver iti basic health services, disaster preparedness/response, ken dadduma pay a vital services ket agtultuloy iti operasyonna ken ipaayda ti kasapulan a serbisio.
Inallukoy iti Malakanyang amin a government worker iti Executive Branch a suportaran ti Family Week Celebration programs nga insagana iti National Committee on Filipino Family.
Inallukoyda pay ti dadduma a branch iti gobierno, independent commissions wenno bodies, ken dadduma a sektor a palubosan amin a Filipino families a selebraran ti maika-tallopulo ket tallo a National Family Week.
Maibasar iti proklamasyon iti Malakanyang, ti suspension ket mayataday iti Proclamation No. 60 iti 1992 a naideklarar a Family week iti maudi a lawas iti Setyembre iti kada tawen.
