Awan ti mabati a Pilipino iti baet ti mapaspasaran a krisis iti nangina a presio ti langis.
Dayta ti impasigurado ti Malakanyang kadagiti pampubliko a drayber a saan a nakaawat iti fuel subsidy kadagiti naiwayat a pay-out iti naglablabas nga aldaw.
Segun ken ni Palace Press Officer Atty. Claire Castro, napagtulagan da Department of Transportation Secretary Giovanni Lopez ken Department of Social Welfare and Development Secretary Rex Gatchalian a mangilatangda iti aldaw nga special payout para kadagiti drayber a saan a nakaawat iti ayuda.
Innayon dagiti dua nga opisial a mabalin a maaddan ti double entry iti rehistro dagiti drayber para iti ayuda wenno adda kurang a detalye isu a saan a nakaawat iti ayuda dagiti dadduma.
Kasapulan laeng a simpaen dagiti dadduma a dkumento tapno makita a valid beneficiary-da ken naipasigurado a saan a baybay-an ida ti gobierno.
