Dimmistansiya ti Malakanyang iti patangan ti voting threshold iti impeachment trial ni Vice President Sara Duterte, kasaruno ti panagsango dagiti sumagmamano a retirado a chief justice, ken associate justice ti Korte Suprema iti Senate impeachment court.
Pinasingkedan ni Palace Press Office Atty. Claire Castro nga iti paset ti administrasion wenno ti Presidente, saan isuna a mangted ti aniaman nga opinion wenno aniaman a judgement mainaig iti nadakamat a patangan.
Masapul a baybay-an ti Senado a kitaen ken sukisoken no ania ti makitkita wenno nasaysayaat a decision mainaig iti patangan.
Iti maika-26 nga aldaw ti impeachment trial, pinasingkedan da retired Chief Justices Hilario Davide Jr., Artemio Panganiban ken Reynato Puno a saan nga otomatiko a 16 a botos ti kasapulan tapno masentensiaan a guilty ti maysa nga impeachable officer.
Kabayatanna, impaganetget ni retired Supreme Court Associate Justice Adolfo Azcuna nga amin a senador ti masapul nga aramaten a pagibasaran iti panang-interpret ti two-thirds a botos tapno sentensia-an ti maysa nga opisial.
