Sinungbatan ni Palace Press Officer Usec Claire Castro ti banat ni VP Sara a political attacks a naipila kontra ken ni Rep. Paolo Duterte.
Segun ken ni Usec. Castro, arigna saan a nag-level up ti bise presidente iti panagsarsaritana nangruna iti panagsungbatna kadagiti isyu.
Ti reklamo kontra iti kongresista ket gapu iti mapapati a panangdangran ken panagpangtana.
Maibasar iti salaysay ti nagreklamo, dinangran ken binutbuteng isuna ti kongresista babaen iti kutsilyo iti las ud ti dua nga oras idi February 23 iti maysa a bar idiay Davao City.
Kinuna met ti presidente a kayat laeng ti Marcos administration a dadaelen ti imahe dagiti kalaban iti pulitika tapno makalluban dagiti pudno nga isyu iti pagilian.
Iti agdama, saan pay a nakapagpatang ti bise presidente ken ti kabsatna mainaig iti isyu ken saanna pay a masigurado no ammo daytoy ti amada a ni dati a Presidente Rodrigo Duterte.
