Immapela ti Malakanyang iti publiko nga aktibo a maikaysa iti husto a panagiballeng iti basura kadagiti community cleanup efforts tapno maliklikan ti layos ita a panagtutudo.
Segun ken ni Palace Press Officer Claire Castro, adun dagiti malaylayos a lugar ken urban areas a saan laeng a gapu iti napigsa a tudo nu diketdi gapu kadagiti barado a kanal ken pagayusan iti danum gapu kadagiti basura.
Nagpanawagan ni Castro iti publiko nga isardengen ti madi a panagibasura ken makipaset ti panangrisot ta agtigtignayen iti gobierno.
Siguradoen ti Malakanyang nga agtultuloy ti commitment iti gobierno kadagiti flood mitigation projects babaen ti panagpatakder kadagiti imprastraktura ken pannakikammayet kadagiti lokal a gobierno.
Impaganetgetna a naep-epektibo dagiti addang nu adda suportar ken aktibo a pannakipaset dagiti komunidad.
