Awan ti plano ti Malakanyang a mangipila iti kaso ken ni dati a Cong. Zaldy Co iti baet dagiti pammabasul nga inruarna kadagiti dua a video a nanginagananna ken ni Presidente Ferdinand Marcos Jr. iti mapapati a P100 billion insertion iti 2025 national budget.
Segun ken ni Palace Press Officer Atty. Claire Castro, awan ti kastoy a nangngeganna a saritaan idiay Malakanyang ta saanna met a makita a madanagan ti presidente kalpasan dagiti pammabasul kenkuana ni Co iti video message.
Saan a patien ni Castro nga ikaskaso ti presidente dagiti isawsawang ni Co ta makaammonton ti Ombudsman nga agimbestigar kadagitoy.
Para iti Malakanyang, awan serbina ken basura amin dagiti pammabasul ni Co nangruna ta saan pay a napaneknekan ta agpatpatingga laeng met iti sarita.
