--Ads--
VIGAN CITY – Naitabonen idiay Margaay Public Cemetery iti ili ti Narvacan ti agruprupsan a bangkay ti maladaga a nasarakan iti bakante a lote iti igid ti kalsada idiay Brgy. San Pedro.
Babaen ti panagtitinnulong ti Department of Social Welfare and Development, Narvacan Municipal Police Station ken ti Local Government Unit ket naitabon a nasyaat ken napawarisan ti bangkay ti maladaga.
Burburtia pay laeng kadagiti pannakabagi ti linteg no siasino ti nangibati iti nasao a maladaga iti bakante a lote iti nasao a lugar ngem itultuloyda nga imbestigaran.
Ti maladaga ket nasarakan ni Carolina Carsola idi mapanna koma abbungan ti abot a nagpuurunna ngem saanna a ninamnama a makitana ti maladaga nga agruprupsan ken nabangsiten ti angotna.
-- ADVERTISEMENT --
