--Ads--
Saan pay a masigurado ti Malakanyang no makadua ni Justice Secretary Frederick Vida nga agawid iti pagilian ni dati a Rep.Zaldy Co kalpasan ti high level mission ti gobierno iti Czech Republic.
Segun ken ni Executive Secretary Ralph Recto, awan pay ti naawatna nga update mainaig iti panagsubli ni Co iti pagilian.
Nupay kasta, impasigurado ni Recto nga aramiden ti gobierno amin nga addang a mayataday iti linteg tapno mapaawid ni Co.
Napan idiay Czech Republic ti high-level delegation ti Pilipinas tapno makikammayet iti pannakapaawid ti dati a kongresista.
-- ADVERTISEMENT --
Immunan nga inlawlawag ti gobierno a saan a ‘technically arrested’ ni Co ngem saan pay laeng a mawaya-wayaan ta iggem pay laeng dagiti otoridad iti Czech Republic.
