--Ads--
Impasigurado ti Malakanyang a makaawat iti tulong manipud iti national government dagiti agindeg a naapektaran iti nakaro a layus idiay Davao City gapu iti habagat ken panagpangato ti danum kadagiti Karayan ti Talomo ken Matina.
Segun ken ni Palace Press Officer Claire Castro, nakasaganan dagiti ahensia kas ti Department of Social Welfare and Development ken Department of Public Works and Highways a mangted iti food packs ken dadduma pay nga ayuda kadagiti biktima ti didigra.
Impaganetget ni Castro a patas ti panagtulong ti gobierno kadagiti amin a lugar.
Saanna pay a masigurado no nagkiddaw iti tulong dagiti lokal nga opisial ti Davao City, ta adda iti sabali a pagilian da Mayor Sebastian “Baste” Duterte ken Vice President Sara Duterte.
-- ADVERTISEMENT --
