VIGAN CITY – Natay ni Jenifer Quiton nga agtawen ti uppat a pulo ken maysa nga Overseas Filipino Worker ta pinaltugan ti kalugaran na a ni Edgardo Quidolit idiay Barangay Salindeg, Vigan City tattay alas dose dyes iti tingnga ti rabii.
Agay-ay-ayam iti baraha ti biktima iti natayan iti nasao a lugar idi inasitgan ti suspek ket pinaltugan na iti mamilto a daras a nakatamaan ti tengnged ken akin-kannawan a paset iti bagi na.
Naitaray idiay Ilocos Sur Provincial Hospital- Gabriela Silang ti biktima ngem naideklerar a dead on arrival idinto a ti suspek ket naglibas kalpasan iti krimen isu a ti agdama ket sapsapulen pay laeng dagiti otoridad.
Maibasar iti inisyal a panagsukimat dagiti otoridad, mapapati a daan a susik iti rason nu apay a pinatay ti suspek ti biktima.
