VIGAN CITY – Inpasigurado ni Philippine Red Cross chairman – Sen. Dick Gordon nga ar-aramiden da amin a kabaelan ken ammo da a wagas tapnu matulungan iti kaaduan iti kangitingitan ti enhanced community quarantine gapu ti coronavirus disease 2019.
Ti pannaki- uman ti Bombo Radyo Vigan ken ni Gordon, itatta nga aldaw a manamnama a sumangpet dagiti makina a ginatang da tapnu ad-adu dagiti pasyente a maidalan ti COVID- 19 testing.
Dagiti makina a ginatang da ket napaspaspas iti proseso na ken kabaelan na iti ag-test ti 1, 500 patients iti inaldaw a manamnama a dakkel a tulong tapnu nadardaras a maamuan nu manun iti bilang dagiti COVID- 19 patients ditoy Pilipinas.
Malaksid kadagiti nasao a makina, adda pay ti innem a baro nga ambulansiya nga inpabulod ti PRC kadagiti ospital ditoy pagilian nga inawagan da ti “negative pressure” ken agtultuloy iti panangited da ti face masks kadagiti frontliners.
Inbalakad ti senador iti publiko a masapul a pagtalinaeden a nadalus iti bagi tapnu saan a nadaras a makaptan ti sakit.
