Impila ti Makabayan Bloc ti maikadua nga impeachment complaint kontra ken ni Presidente Ferdinand Marcos Jr. mainaig iti mapapati a betrayal of public trust.
Ngem saan nga inawat daytoy ti House Office of the Secretary General gapu ta awan ditoy pagilian ni Secretary General Cheloy Garafil, a naituding nga umawat iti pammadayaw manipud Taiwan inton Enero 23.
Pinasingkedan ni dati a Bayan Muna Rep. Neri Colmenares a saan a nasken a lapdan ti kaawan ni Garafil ti panangipila iti reklamo ken maibilang daytoy a naiserbi kas maibasar iti Konstitusyon ken House Rules on Impeachment.
Karaman kadagiti linaon ti reklamo ti pammabasul iti plunder iti pondo ti national budget, panangabuso iti unprogrammed appropriations, ken mapapati a sistema ti kickback kadagiti infrastructure project.
