VIGAN CITY – Nagpanawagan ti Makabayan Bloc a mawaya-wayaanen ni dati a Senador Leila de Lima kalpasan ti pannaka-hostage-na iti custodial center ti Philippine National Police.
Iti pannaki-uman ti Bombo Radyo Vigan ken ni ACT Teachers Partylist Rep. France Castro, welcome para kadakuada ti panagbisita ni Presidente Ferdinand “Bongbong” Marcos Jr. ken ni dati a Sen. De Lima tapno makita no ania ti kasasaad ken kasapulanna.
Ngem nupay kasta, kurang para iti Makabayan bloc ti kinuna ti presidente a mayakar iti pagbaludan a nakomkomportable para iti dati a senadora ta para kadakuada ket nasken laeng a maadal ti kasona ket mawaya-wayaanen iti kabiitan a tiempo agsipud ta adda pay parikutna iti salun-at ken saaen pay met a sentensyado.
Innayon ti kongresista a naipampanawen ti impilada a resolution 198 a mangkidkiddaw iti pannakawaya-waya ni De Lima ta adun dagiti major witnesses a nag-withdraw iti kasona.
Kinunana pay a no pudno ti Department of Justice iti panangbalbaliw ti justice system iti pagilian ket aramidenda babaen ti panangwaya-wayada ken ni De Lima. Kabayatanna, nakigtot ti nasao a grupo iti napasamak ti dati a senador agsipud ta namnamaenda a natalged ken protektado dagiti balud iti PNP custodial center.
Kabayatanna, nakigtot ti nasao a grupo iti napasamak ti dati a senador agsipud ta namnamaenda a natalged ken protektado dagiti balud iti PNP custodial center
