VIGAN CITY – Siam a tawenen nga agserserbi a caretaker ni Emelyn Refuerzo a suspek iti panagtakaw iti gatad a nasurok kumurang tallo milion a pisos a kuarta ken alahas idiay Brgy. Pantay Fatima, Vigan City, Ilocos Sur.
Iti pannaki-uman ti Bombo Radyo Vigan kenni PLt. Col. Dominic Guererro a hepe ti Vigan City PNP, inamin kadakuada ti suspek nga isu iti nangaramid ti panagtakaw ken ti innalada a witness a nang-grinder idi innalana iti vault a naglaon ti kwarta ken alahas.
Saanen a naisubli pay ti suspek dagiti dadduma a gatad ti kwurta nga innalana ta nagastosnan pakairamanan dagiti dadduma nga alahas.
Innayonna a sakbay a naipakammu kadakuada ti report ket naammuan ti biktima a ni Imelda Amigable a nadadael dagiti cabinet ken mapukpukaw ti vault a nakaikabil ti kwartona ken awan iti sabali a sumsumbrek ti pagtaenganda nu di laeng a ti suspek.
Pinasingkedan ni Danilo Ramos a nagturong kadakuada ti suspek tapno ipa-grinder ti vault innem agingga pito a bulanen iti napalabas ket inrason ti suspek a napukawna ti tulbek ken mangala laeng ti nayon a pagbayadna ti kuryente.
