VIGAN CITY – Duapulo a porsiento iti nalpasen ti pagtaengan nga ipaay ti kapulisan iti pamilia ni Kennedy Cabagbanua Udarbe, addaan rangkap wenno cerebral palsy nga agnaed idiay Sitio Baoyan, McKinley, Galimuyod, Ilocos Sur.
Ti PABAHAY NG PULIS ket Project “SAGIP-BIAG” a pagtitinnulongan ti Philippine National Police, Local Government Unit ken komunidad.
Iti pannaki-uman ti Bombo Radyo Vigan ken ni PCpt. Marlon Ramos manipod 2nd Ilocos Sur Provincial Mobile Force Company (PMFC), nabilinda idi Enero 26, 2024 a kitaen nu siasino ti agkasapulan ti tulong nangruna iti pannakatarimaan iti pagtaengan isu nga insayangkatda iti assessment ken evaluation dagiti agindeg idiay Barangay McKinley, Galimuyod ket nakitada ti kasasadda Udarbe isu nga in-referda iti Force Commander-da ket naaprobaran nga isuda iti matulongan.
Segun ken ni Ramos, naasyanda ti kasasaad ni Udarbe ta saan a natalged para kenkuana nga adda sagsagabaenna iti nanumo a pagtaenganda nangruna nu adda ti didigra kangrunaan ket adayoda pay kadagiti dadduma a pagtaengan iti nasao a lugar.
Manamnama nga inton April 24 iti agdama a tawen a maleppas ti nasao a pagtaengan ti benepisyaryo.
Nagyaman ni Ramos kadagiti amin a mangsupsuportar kadakuada ti pabahay project nangruna ti Galimuyod Local Government Unit babaen ti panangidaulo ni Mayor Jessie Balingsat ken Vice Mayor Kulapu Trinidad, ken dagiti umili para ti panangtulong kadagiti kalugaranda.
VIDEO – PCPT. MARLON RAMOS
