VIGAN CITY – Saan nga anamongan ni Bayan Muna Partylist Rep. Carlos Isagani Zarate iti mandatory reserve officer training corps (ROTC) kadagiti estudyante ti Grade 11 ken Grade 12 a naaprubaranen iti maikatlo ken maudi a pannakaibasa na idiay Kamara idi May 20.
Ti pannaki-uman ti Bombo Radyo Vigan ken ni Zarate, ingunam-gunam na a saan a ti mandatory ROTC iti solusyon tapnu maisuro kadagiti agtutubo iti panagayat iti pagilian a dimmakkelan da isu a kontraen da ti nasao a singasing.
Patien ti grupo ni Zarate a ti mandatory ROTC ket wagas laeng ti gobiyerno tapnu maarmasan dagiti agtutubo ken maisakup da ti militarisasyon.
Ti biyang ni Deputy Speaker – Batangas Rep. Raneo Abu nga akin-surat iti House Bill 8961 wennu ti pannakaisubli ti mandatory ROTC para kadagiti senior high school students, manipud idi napukaw ti ROTC ket manmanu laengen dagiti agtutubo a mayat a makilaban kontra kadagiti gangannaet nga umay agbasak-basak kadagiti teritoryo ditoy Pilipinas.
Excerpt of an interview with Deputy Speaker Raneo Abu
