Opisialen a maipatpatungpal sipud Enero 1 ti maikatlo a tranche ti nayon a sueldo para kadagiti civilian government employees, segun iti Department of Budget and Management.
Sakup iti nayon a sueldo dagiti empleado ti National Government Agencies, Constitutional Offices, State Universities and Colleges (SUCs), ken dagiti sakup a Government-Owned or Controlled Corporations (GOCCs).
Karaman pay ditoy saan laeng a dagiti regular employee no di ket uray ti casual ken contractual staff no la ket adda legal nga employer-employee relationship ken sakup ti Compensation and Position Classification System.
Nagpalagip ti ahensia a nailatang ti pondo para iti nayon a sueldo iti salinong ti 2026 national budget, ken mabalin nga agduma ti panawen ti iseserrek ti nayon a sueldo depende iti payroll processing ti kada ahensia.
