VIGAN CITY – Nakairekord ti probinsya ti maikalima a kaso ti natay gapu iti covid19 idi Abril tres nga isu ti IS-C638 nga agtawen iti limapulo ket siam a babai a taga- Brgy Paratong, Vigan City nga immuna a naamuan nga agsagsagaba iti Chronic kidney disease.
Idi March 26, na-admit ti asawa ti pasyente idiay ISDH- Magsingal ket nagbalin a covid19 suspect ket panangsurot ti protocol, na-isolate ti pasyente a babai ngem kasapulanna a dumalan iti dialysis treatment idi March 31 isu a naipan iti Mariano Marcos Memorial Medical Center diay Batac, Ilocos Norte kagiddan iti dayta nga aldaw ti panagpositibo ti asawana ti covid
Pimmusay ti pasyente iti 3:45 iti malem idi April 3 kasaruno ti pinal a diagnose kenkuana nga addaan ti Acute Coronary Syndrome, covid19 confirmed moderate ken Chronic kidney disease stage 5.
Malaksid iti dayta, maipakpakaammo a ti panagngato ti kason iti probinsiya ket makaalarman agsipud ta idi Abril dos ket nakairekord ti probinsia ti baro a limapulo ket lima a kaso ti covid a nangtunda iti 289 nga aktibo a kaso ti nasao a sakit.
Numan pay naglukat dagiti baro nga isolation facilities ket agsobsobran ti total bed capacity –na isu a nag-emergency meeting dagiti amin a mayor ken stakeholder iti biang ti salun-at ket pinagpapatanganda dagiti mabalin nga ikonsiderar tapno makontrol ti sitwasyon.
