Nagturong manen idiay Office of the House Secretary General dagiti karaman iti progresibo a grupo ken dagiti kongresista ti Makabayan Bloc tapno maipila ti maikadua nga impeachment complaint kontra ken ni Presidente Ferdinand Marcos Jr.
Idi napan a lawas, naipilan ti kopya ti reklamo iti nasao nga opisina ngem saan a natatakan iti received gapu ta awa nidi ti House Secretary General.
Segun iti Makabayan bloc, inakusaranda ni Marcos iti ‘betrayal of public trust’ gapu iti panangisingitna kadagiti proyekto iti national budget a mangilisi ti pondo a mapan kadagiti kaalyado.
Kimmaro pay ti pungtot ti publiko mainaig iti naibilang a “ghost infrastructure projects” kalpasan a nalayus dagiti ili iti pagilian gapu iti napigsa a bagyo idi napan a tawen.
