Pinermaan ni Department of Budget and Management Secretary Amenah Pangandaman ti National Budget Circular No 597, a mangted kadagiti pagannurotan para iti second tranche ti nayon a sueldo para kadagiti civilian government worker.
Ti circular ket naiparuar a maisurot iti implementasyon ti Updated Salary Schedule para iti Civilian Personnel kas maisurot iti Executive Order No 64, series of 2024 a pinermaan ni Presidente Ferdinand Marcos Jr.
Ti gatad a kasapulan para iti salary adjustment ti civilian government personnel iti Fiscal Year 2025 ket maala manipud Miscellaneous Personnel Benefits Fund ken dadduma pay nga available appropriations iti salinong ti FY 2025 General Appropriations Act, a subject iti budgeting, accounting, ken auditing rules and regulations.
Kabayatanna, inyunay-unay ti DBM a ti guidelines ket applicable iti local government units ket nasken a sakupen ti agsina a circular.
